Ish-presidenti i Amerikës, Donald Trump është shpallur fajtor se ka abuzuar seksualisht me një kolumniste në një dyqan të Nju Jorkut në vitet 1990.

Por, Trump u shpall i pafajshëm për përdhunimin e E Jean Carroll në dhomën e zhveshjes së Bergdorf Goodman, shkruan BBC.

Juria gjithashtu e shpalli Trumpin përgjegjës për shpifje pasi i quajti akuzat e shkrimtarit “një mashtrim dhe një gënjeshtër”.

Është hera e parë që Trump shpallet ligjërisht përgjegjës për një sulm seksual.

Juria e Manhattan urdhëroi Trumpin t’i paguante asaj rreth 5 milion dollarë si dëmshpërblim.

Për shkak se gjyqi ishte në gjykatën civile – dhe jo në atë penale – Trump nuk do t’i kërkohet të regjistrohet si shkelës seksual.

Juria e përbërë nga gjashtë burra dhe tre gra mori vendimin e tyre pas më pak se tre orësh diskutimesh të martën.

Trump – i cili mohoi akuzat – nuk mori pjesë në gjyqin civil dy-javor në gjykatën federale të Manhatanit.

Carroll mbajti duart e të dy avokatëve të saj teksa verdikti u lexua në gjykatë dhe buzëqeshi teksa iu dha dëmshpërblimi nga juria./Arbresh.info/